Heddiw, mae Cyngor °¬˛ćAƬ wedi lansio ymgynghoriad cyhoeddus ar gynnig i leihau nifer y lleoedd mewn ysgolion cynradd yng Nghymuned Ddysgu Abertyleri, mewn ymateb i ostyngiad sylweddol yn nifer y disgyblion a phwysau ariannol cynyddol.
Mae Cymuned Ddysgu Abertyleri yn ysgol 3 – 16 oed, gyda thri champws cynradd a champws uwchradd.
O dan y cynnig, byddai Campws Ffordd Roseheyworth yn cau, gyda disgyblion yn trosglwyddo i gampysau Stryd Tillery a Chwe Chloch. Mae'r newid yn cael ei ystyried i sicrhau cynaliadwyedd hirdymor y Gymuned Ddysgu ac i helpu i ddiogelu a gwella safonau addysgol ledled yr ardal.
Mae'r Cyngor yn annog rhieni, gofalwyr a'r gymuned ehangach i rannu eu barn fel rhan o'r ymgynghoriad hwn.
Gall trigolion ddysgu mwy am y cynnig trwy glicio yma.
Fel rhan o'r ymgynghoriad, cynhelir sesiynau galw heibio i rieni a'r gymuned leol ar:
- Dydd Mercher, 11eg Mawrth
- Y Metropole, Abertyleri
- 5yp – 6:30yh
- Dydd Mawrth, 17eg Mawrth
- Y Metropole, Abertyleri
- 3yp – 6:30yh
Bydd swyddogion addysg ar gael i siarad â mynychwyr, darparu rhagor o wybodaeth, a gwrando ar farn y gymuned.
Bydd rhieni hefyd yn derbyn deunyddiau ymgynghori trwy'r sianeli cyfathrebu rhieni arferol. Yn ogystal, mae'r Cyngor yn cynnal cyfarfodydd wyneb yn wyneb gyda staff, llywodraethwyr ysgolion, a disgyblion i sicrhau bod pawb yng nghymuned yr ysgol yn cael y cyfle i gyfrannu.
Bydd yr holl adborth a dderbynnir yn ystod y cyfnod ymgynghori yn cael ei ystyried yn ofalus cyn i unrhyw benderfyniadau pellach gael eu gwneud.
Bydd yr ymgynghoriad yn rhedeg tan ddydd Mawrth, 14 Ebrill 2026.